Elian van Ewijk

Sinds mien 15e laevesjaor bin ik actief in de mezièk. (althans op de bûhne). De iërste jaore heb ik in ein broèlofsôrkes gespeuld, wies det in 1993 (toen waas ik 19) Wooden Chain ein advertensie in de krant had staon.

Nao auditie gedaon te hebbe, bin ik oètintelik in september 1993 beej Wooden Chain begôs. In ôs 25-jäörig jubilee en eige jubilee, 11 jaor.

Ein gans andere stiël van mezièk dan ik gewind waas. Wooden Chain speult tenslotte gen broèlofte. In de laup van de jaore is de mezièkstièl binnen Wooden Chain dan auk ein tikkeltje veranderd. ’T Is althans in sommige gevalle ein bietje ruiger gewaore. In die ruige leedjes kôm ik dan auk waal hiel aardig tot mien rech, hoewel de Shadows mich auk waal aardig in de vingers zitte.

Naeve mien aktiviteite beej Wooden Chain speul ik sinds 2003 nog beej ein 60er-jaore orkes "Face Lift", alwaor ik neteurlik auk as sologitarist fungeer.

Vaerder hald ik mich bezig mit ’t schrieve van tekste. Op ôs nieje CD vind geej dan auk 2 stökke van mich teruuk.

Boéte Wooden Chain en Face Lift probeer ik mich nog in de vastelaoves-scene van Venlo en Bliërick te begaeve. Heejbeej zing ik same mit mien vader Hennie van Ewijk en Yvonne Gubbels, mien eige geschreve vastelaovesnummers. De mezièk is heejbeej in hand van Wim Schreurs.

Um links of rechts ein projectje as gasmuzikant of as teksschrièver te volbringe, bin ik altièd te vinde.